Bebras áskorunin - Ísland

 
 

Persónuvernd


Upplýsingar um Persónuvernd:

Hvaða gögnum er safnað og hvers vegna:
Þátttakendur eru skráðir í kerfið af kennara. Eftirfarandi upplýsingar eru skráðar: Nafn, Kyn, Bekkur og Þyngdarstig. Nafnið er notað til að prenta út viðurkenningarskjöl. Kynið til að sjá tölfræði milli kynja og tryggja að verkefnin henti öllum kynjum. Kyn þarf ekki að fylla út en er æskilegt. Bekkur er til að auðvelda dreifingu á viðurkenningarskjölum. Þyngdarstig til að tryggja að nemandi fái spurningar sem passa fyrir hans aldur.  Skráningar á umsjónarmönnum skóla eru niður á nafn umsjónarmanna og er netfang viðkomandi geymt sem tengiliðarupplýsingar fyrir viðkomandi skóla.

Með hverjum deilum við gögnum:
Áskoruninn er á netinu og er hýst hjá tölvufyrirtæki sem er NEN7510: 2017 og ISO27001: 2013 staðfest, þar sem öryggi er vel skipulagt og við höfum samning við. Kennarar geta valið að taka ljósmyndir af nemendum sem taka þátt í keppninni og eru þær myndir þá sendar til okkar undir þeim reglum sem viðkomandi skóli fer eftir.  Myndirnar gætu verið notaðar til að segja frá keppninni.

Er gögnunum eytt?
Gögn um þátttakendur í Bebras áskoruninni eru geymd í allt að tíu mánuði. Eftir það er öllum upplýsingum um þátttakendur eytt. Svörin sem eru gefin út niður á skóla, skólaár og kyn eru gerð ópersónugreinanleg. Þú getur hvenær sem er óskað eftir þeim upplýsingum sem vistaðar eru um þig. Ef þú vilt láta eyða gögnunum um þig innan tíu mánaða er hægt að óska eftir því hvenær sem er (á keppnisárinu þýðir það að þú getur ekki lengur tekið þátt í áskoruninni).  Vinsamlega hafðu samband við sky@sky.is og gögnunum verður eytt innan mánaðar. Upplýsingar um umsjónarmenn eru geymdar milli ára til að hægt sé að láta viðkomandi skóla vita um næstu keppni og annað sem tengist Bebras áskoruninni.  Hægt er að óska eftir því að eyða upplýsingum um umsjónarmenn hvenær sem er í gegnum sky@sky.is.

Leitast er við að fara eftir nýjustu lögum og reglum um Persónuvernd á hverjum tíma.